Се претставил како универзитетски професор и измамил сопственик на угостителски објект од Гостивар

Дваесет и четиригодишен гостиварец, вчера (1 ноември) во 14 часот во СВР Тетово пријавил дека непознато лице утрото околу 8 часот и 30 минути телефонски му се јавило и претставувајќи му се дека е наводно универзитетски професор побарало да го подготви неговиот угостителски објект за одржување на неколкучасовен семинар со 15 гости.

Набрзо потоа, во два наврати, измислувајќи разни изговори лажниот професор повторно телефонски побарал на одредено место сопственикот да му испрати извесна сума пари, кои наводно ќе му ги врател  кога ќе дојдел во неговиот објект со учесниците на семинарот. По извесно време на телефон му стигнала порака дека лицето е измамник и дека е измамен.

Се расчистува и документира случајот.