Сообраќајно безредие и несовесност – „Летаат“ казни за возачи во Гостивар

Во секојдневните контроли на полицијата на гостиварското и тетовското подрачје се откриваат низа непочитувања на сообраќајните правила и прописи.

Секторот за внатрешни работи Тетово, вчера (23 август) од 16 до 19 часот спровел акциска контрола за санкционирање на некористењето на сигурносни појаси од возачите и зборувањето на мобилен телефон при возење. При контролата биле откриени и санкционирани вкупно 25 возачи (Тетово-11 и Гостивар-14) кои некористеле сигурносен појас и 5 возачи кои зборувале на телефон.

„На прекршителите им се изготвени предвидените поднесоци и тие ќе се соочат со парични глоби. Покрај ова, при контролата биле санкционирани и 4 возила кои имале неисправни сопирачки и тие веднаш биле исклучени од сообраќај, како и 2 лица кои ги управувале возилата без положен возачи испит и валидна дозвола за тоа.“, информира СВР Тетово.