Здравје и убавина
Совети за забавување на стареењето на мозокот
![](https://gostivarpress.mk/wp-content/uploads/2021/08/mental-health-3337026_960_720.jpg)
Исто како и телото, со годините се менува и мозокот, како и неговите функции. Сѐ почесто се случува заборавање, послаба сосредоточеност, концентрација и низа други проблеми. За мозокот да остане здрав што е можно подолго и да се забави неговото стареење, само треба да се следат неколку едноставни работи, и тоа редовно.
Стареењето на мозокот е нормално, а показателите се различни за секоја личност. Тие можат да се идентификуваат со промени во секојдневното однесување – проблеми околу барањето и наоѓањето предмети и места, со сеќавањата и помнењето. Една од причините е тоа што бројот клетки се менува со возраста, т.е. клетките умираат и, понекогаш, не се обновуваат.
Што предизвикува стареење на мозокот?
Друга причина се пушењето и пиењето алкохол. Натаму – дијабетесот, високиот холестерол и крвниот притисок, исто така, имаат лошо влијание во таа смисла. Притисокот и холестеролот значително влијаат врз здравјето на срцето, но и на мозокот. Истражувањата покажуваат дека високиот притисок води кон послаба когнитивна активност и ја зголемува можноста за Алцхајмерова болест.
За да се спречи или забави стареењето на мозокот, треба редовно да го вежбаме… Тука помагаат разни игри, читање, како и промена на одредени животни навики. Следат некои од нив.
- Ментална активност – за постојан развој на мозокот
Пред сѐ, важно е да го одржуваме мозокот активен и постојано да му даваме нови задачи во облик на решавање крстозбори, загатки или едноставно – читање книги и написи на различни теми. Учењето нови работи секогаш помага.
- Физичката активност го зајакнува телото, но и умот
Покрај телото, преку вежбање и мозокот се зајакнува, исто така. Физичките вежби го олеснуваат протокот на кислородот до делот од мозокот што служи за размислување. Покрај кардио-вежбите во комбинација со оние за сила, пешачењето исто така има одличен ефект. Може да помогнат и одредени вежби во коишто е вклучен и мозокот, како што е лежење на грб и поместување една нога со спротивната рака, наизменично.
- Исхрана
Често се вели дека одредени јадења се „храна за мозокот“. И, ова се покажува како точно. Така, науката потврди дека медитеранската храна, оревите, многу овошје и зеленчук имаат корисен ефект врз работата на мозокот.
- Витамини
Витаминот Д е важен за помнењето. А, подеднакво е важно и да се внесуваат Омега-3 масни киселини, витамин Б12, а доколку е потребно – и додатокот познат како „гингко“.
- Добар сон значи помал стрес
Стресот може негативно да влијае на менталното здравје, па така, и на здравјето на мозокот. За да се ослободиме од вишокот стрес, може да практикуваме и медитација, да размислуваме помалку за грижите, а тука помагаат и техниките на дишење. Квалитетниот сон е основен и најважен фактор во оваа смисла.
-
Гостиварпред 2 недели
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување
-
Гостиварпред 2 месеци
Физички напади и групна тепачка вчера во Гостивар
-
Регионпред 3 месеци
Во Хрватска повлечени наполитанки од познат бренд
-
Гостиварпред 2 месеци
Вечен помен и слава! Девет години од смртта на хероите Горан и Ненад
-
Гостиварпред 3 месеци
Гостиварец го загуби животот во сообраќaјна несреќа
-
Гостиварпред 3 месеци
Несреќа на патот Гостивар – Стража, сообраќајот во прекин