Таравари за случајот со Амбла: Не сакам да навлегувам подлабоко, треба да изнајдеме решение

„Не би сакал да драматизирам и политизирам во овој случај кој е сериозен, не би сакал да навлегувам подлабоко. Јас сум медицинско лице, не сум ја прегледал Амбла како лекар, но изјавата ја дадов од тоа што ми го кажаа за аутизмот колегите дефектолози, и медицинските извштаи ги имам сите, од тоа што се гледа во нив, терапијата што ја користи, сосема е јасно за што се работи. Мислам дека треба да изнајдеме решение на случајот. Ова е системски проблем во нашето општетсво, добро е што се сензибилизира, но не треба да се политизира. Такви проблеми има не само во Гостивар, и не треба да се стигматизира, дека само овде тоа се случило. Детално зборевме со сите, мислам дека треба да им обрнеме повеќе внимание на овие деца“, одговори градоначалникот на Гостивар, Арбен Таравари на новинарско прашање да го коментира демантот на таткото на Амбла, Илир Адеми, даден вчера за неговата изјава дека девојчето освен што има Даунов синдром, има и аутизам.