Викенд временска прогноза

Времето денеска (петок) ќе биде претежно облачно и со повремени врнежи од дожд, а на планините и на повисоките места од снег. Повремено врнежите ќе бидат пообилни, наместа над 20 л/м2, на планините и на повисоките места ќе се формира нова снежна покривка, а температурите насекаде ќе опаднат. Ќе дува умерен до засилен северен ветер (локално над 60 км/час). Максималната температура во гостиварскиот регион ќе достигне 5 степени.

Утре (сабота) ќе владее променливо облачно време со повремени врнежи претежно од снег, а поради ниските температури локално ќе има услови за појава на голомразица. Ќе дува умерен до засилен ветер од северен правец, наместа долж Повардарието со брзина над 60 km/h, што ќе услови заладување.

Во недела, не‘ очекува студено утро со појава на магла по одделни котлини. Преку денот ќе биде сончево со мала до умерена облачност. Ќе дува слаб до умерен северен ветер.