Гостивар
Во Гостивар се гради спомен обележје за жртвите во несреќата кај Ласкарци
Во чест и сеќавање на загинатите во трагичната автобуска несреќа што се случи кај Ласкарци во 2019-та година, во Гостивар започна изградба на пригодно спомен обележје. Работите отпочнаа викендов, а спомен обележјето ќе биде поставено во малиот градски парк, во центарот на градот, веднаш до дрвцата засадени во спомен на жртвите и таблите со нивните имиња.
„Претходно имавме разговор со градоначалникот Арбен Таравари и ние како фирма покажавме волја да бидеме донатор на едно спомен обележје, со кое ќе оддадеме почит на жртвите во несреќата. Едноставно да покажеме достоинство и почит кон луѓето, кои ги загубија животите на таков трагичен начин. Почнавме со работа во саботата и планирано е да се заврши за околу еден месец“, рече Гарип Мемиш, сопственик на фирмата донатор „Вечен рај мермер гранит“.
Натписната плоча на спомен обележјето ќе биде тријазична, на македонски, албански и на турски јазик, а ќе ги содржи имињата на жртвите, логото на општината и донаторот.
Трагедијата кај Ласкарци останува болен спомен за Гостивар и гостиварци. Во автобуската несреќа од 13 февруари 2019-та година животите ги загубија: Дејан Ристоски, Раметула Абдураими, Валдете Хамити, Јовица Трпевски, Бесим Фетаи, Онур Садику, Есат Емрули, Ајдин Исмаили, Бејза Узеири, Зоран Давидовски, Бобан Аврамовски, Трпана Јаневска, Павле Костоски, Арсе Арсоски, Ферди Касо и Ерза Османи.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 3 месеци
Историјат на Осми март – Празник посветен на правата на жените
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница
-
Парламентарни избори 2024пред 2 месеци
Потврдени листите на СДСМ, гостиварката Ема Нешковска трета во ИЕ 6