Бројот на активни корисници на социјалните мрежи надмина 5 милијарди

Бројот на активни корисници на социјалните мрежи се искачи на повеќе од пет милијарди, или околу 62,3 отсто од човештвото, според денеска објавената студија.

Бројот се зголеми за 5,6 отсто од минатата година, надминувајќи го растот на светската популација од 0,9 отсто, се вели во извештајот на компанијата за следење медиуми Мелтвотер и агенцијата за социјални медиуми We are Social.

Социјална мрежа со најмногу корисници е Фејсбук на Мета со 2,19 милијарди, Инстаграм – 1,65 милијарди, тесно зад ТикТок со 1,56 милијарди.

Извештајот предупредува дека е тешко да се дојде до прецизни бројки поради автоматизирани сметки или луѓе кои користат различни идентитети. Најпребаруваниот запис на Википедија беше „ChatGPT“.

Извештајот се заснова на бројките собрани од дигиталната консултантска компанија Kepios.