Гостивар
Гостиварецот Гоце Димовски нов директор на Дирекцијата за ТИРЗ
![](https://gostivarpress.mk/wp-content/uploads/2022/10/sovet1.jpg)
Гостиварецот Гоце Димовски ќе раководи со Дирекцијата за технолошко индустриските развојни зони (ТИРЗ). Тој е назначен на в.д. директорската функција на денешната седница на Владата.
Димовски е претседател на ОК на ВМРО ДПМНЕ Гостивар и член на општинскиот совет. Во неговата биографија стои дека додипломски студии има завршено од областа на бизнис администрацијата и инженерските науки, магистрирал бизнис адмнистрација (МБА) на Универзитетот на Југоисточна Европа, а докторирал на тема “Улогата на странските директни инвестиции во перформансите на малите и средни претпријатија во Република Македонија”.
На Лондонската школа за бизнис и финансии во Лондон, Обединетото Кралство, Димовски успешно ја има завршено програмата Executive Education, додека на Европската сертификациона и квалификациона асоцијација во Виена, Република Австрија, ја има завршено програмата за проектен менаџемент, каде што се стекнува со звање – Сертифициран проект менаџер. Воедно, Димовски поседува обуки и професионални надградби на различни образовни институции како што се Јапонската меѓународна агенција за соработка во Јапонија, Метрополитен школа за бизнис и менаџмент во Обединето Кралство и други.
Гоце Димовски има деловно искуство во различни институции и компании како што се ОБСЕ-ОДИХР, Министерство за транспорт и врски, Национален Парк “Маврово”, Совет за јавните набавки на Македонија, Јавно сообраќајно претпријатие – Скопје, Пелагонија АД Гостивар, Министерство за финансии – Проект за подобрување на општинските услуги (МСИП и МСИП2) финансиран од Светска Банка, Коленко ДООЕЛ Скопје претставништво на Коленко ГМБХ Германија, ЦРППР – Проект за стратешко планирање, истражување, развој на студии и креирање на пакет проекти за регионален развој на Полошкиот регион (iCARE) и Совет на Општина Гостивар.
-
Гостиварпред 4 недели
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Гостиварпред 2 месеци
Физички напади и групна тепачка вчера во Гостивар
-
Гостиварпред 2 месеци
Вечен помен и слава! Девет години од смртта на хероите Горан и Ненад
-
Гостиварпред 3 месеци
Гостиварец го загуби животот во сообраќaјна несреќа
-
Гостиварпред 3 месеци
Несреќа на патот Гостивар – Стража, сообраќајот во прекин
-
Гостиварпред 3 месеци
Над 530.000 денари украдени од картичка на гостиварец
-
Занимливостипред 3 месеци
Што кажува за вас вашиот датум на раѓање?
-
Гостиварпред 2 месеци
Поради дефекти прекин во водоснабдувањето во дел од Гостивар и Бањица