Кражба во куќа во Сенокос

Четириесет и едногодишниот Ф.А. од гостиварското село Сенокос, завчеравечер ( 4 март ) пријавил тешка кражба која била извршена дента во периодот од 15 до 21 часот. Засега непознати сторители, најпрво се обиделе да го отворат прозорецот од западната страна на куќата, но не успеале, по што насилно ја отвориле балконската врата, влегле внатре и од регал во спалната на првиот кат одзеле дрвена кутија со разновиден златен накит и 500 евра, информира полицијата.

Со одземениот накит и пари, незабележани од никого, ја напуштиле куќата, противправно стекнувајќи се со вкупна имотна корист која се проценува на милион и 30 илјади денари.

По извршениот увид се превземаат мерки и активности за целосно расветлување на пријавеното и за откривање на сторителите.