Тешко повредени две лица во несреќа близу Мавровската раскрсница

Триесетгодишен моторциклист и 28-годишна сопатничка завршиле со тешки телесни повреди со сообраќајна несреќа која се случила вчера околу пладне на магистралниот пат Гостивар – Кичево, во близина на Мавровска крстосница.

Како што соопшти МВР, во сообраќајката учествувале патничко моторно возило “Пасат“ со тетовски рагистерски таблици управувано од З.М.(48) од с.Мала Речица и моторцикл “Јамаха“ со скопски регистерски таблици, управуван од М.Ф.(30) од Скопје, а на кој се возела и Б.А.(28). Повредените со возило на Итна медицинска помош биле пренесени во гостиварската болница, а потоа биле препратени во Комплексот клиники “Мајка Тереза“ во Скопје.

Извршен бил увид на местото на настанот и се работи на расчистување на случајот, информира МВР.