Младите гостиварци се натпреваруваа по Прва помош

Викендов во Гостивар се одржа општинскиот натпревар по Прва помош, кој по 35-ти пат го организираше Црвен крст на Република Македонија. Средношколците од гостиварските средни училишта имаа можност да ги покажат своите знаења и вештини за справување во случај на итна потреба од помош на повредени и болни лица. На натпреварот учествуваа шест екипи кои ги оценуваа лекари – судии.

Како најуспешни се покажаа учениците од средното општинско училиште – гимназија. Второто место го освои екипата на средното медицинско училиште, додека третото и` припадна на екипата од техничкото училиште. За својот успех тие добија пехари, а првопласираниот тим ќе го преставува Гостивар на Државниот натпревар по Прва помош.

„Натпреварите се една од програмските активности на Црвениот крст и преку нив, покрај што градиме натпреварувачки дух кај младите, целиме тие што подобро да научат да се снаоѓаат во ситуации кога е потребно да се пружи помош на повредени и болни лица“, велат од гостиварскиот Црвен крст.

Натпреварот по Прва Помош беше поддржан од Монтенегро маркети.