Општина Гостивар бара обезбедување

Гостиварската локална самоуправа објави јавен оглас за Обезбедување на објектот на општината. Се бара фирма или поединец кој ќе ја обезбедува општинската зграда во работните денови од понеделник до петок, додека трае работното време на администрацијата, односно од 8 до 16 часот. Освен тоа, се бара и постојано техничко обезбедување на објектот со Паник тастер.

Тендерот е објавен во петокот, а рокот за доставување понуди истекува утре, 13-ти јуни. Како што е наведено проценетата вредност на набавката е 270 илјади денари, без ДДВ, а се однесува на едногодишен период.

Право да достават понуди имаат домашни и странски правни или физички лица кои поседуваат соодветна лиценца за вршење на дејноста обезбедување. Во тендерот стои дека критериум за доделување на договорот е најниската цена, односно дека ќе биде избран понудувачот кој ќе даде најефтина понуда.