Главната манифестација за Курбан Бајрам откажана, ИВЗ со апел да се редуцираат посетите за празникот

Ријасетот на Исламската верска заедница соопшти дека поради Ковид пандемијата, нема да се организира главната манифестација за одбележување на муслиманскиот празник Курбан Бајрам, кој се слави утре (31 јули).

Во однос на обавувањето на молитвите во џамиите, ИВЗ апелира да се почитуваат мерките за заштита од коронавирус, да се избегнуваат блиски контакти и да се редуцираат посетите во домовите, кои се традиција за празникот.

Во џамиите се препорачува задолжително носење на маски, дезинфицирање на рацете, верниците да си носат свое сеџаде (простирка за молитва), да се држи дистанца, абдест да се зема дома, итн. Се препорачува молитивите што е можно повеќе да се обавуваат во дворовите.

Исто така, до верниците се апелира да го избегнат одењето на гробиштата и што помалку да одат во празнични посети по роднини и пријатели.