Голем раст – 164 нови случаи на ковид во земјава, во Гостивар 21, има и починати

Значително зголемување на бројката на новодијагностицирани со коронавирус во Македонија. Институтот за јавно здравје објави извештај за последното деноноќие, во кој се потврдени 164 нови случаи, од направени 5.276 тестови. Три лица се починати. Како оздравени се евидентирани 18 лица.

Најмногу од новозаразените, 60 се од регион на Тетово, по што следуваат Скопје со 34 и Гостивар со 21 нов случај. Во останатите каде има регистрирани нови позитивни, бројките се едноцифрени.

Од починатите, во последното деноноќие, 2 лица се од гостиварскиот регион (68г. и 86г.) и едно лице од Скопје (82г.).

Бројот на активно заразени со корона во земјава достигна 770.