Гостивар

Детали за вчерашната несреќа на излезот од Гостивар – 11 повредени меѓу кои и гостиварец

Објавено

пред 5 години

на

29/01/2019

Од

Gostivarpress.mk

Единаесет лица завршиле со повреди во вчерашната сообраќајка што се случи околу 14.00 часот на магистралниот пат Гостивар-Кичево, во близина на каменоломите.

МВР информираше дека во несреќата учествувале четири моторни возила: „Фолксваген голф“ со гостиварски регистарски ознаки, управуван од 64 годишниот С.М. од Гостивар, минибус „Мерцедес“ со охридски регистарски ознаки, управуван 50 годишниот Л.Р. од Охрид, „Фолксаваген пасат“ со кичевски регистарски ознаки, управуван од 51 годишниот А.Т. од Кичево и патничко возило „Рено меган“ со дебарски регистарски ознаки, управуван 39 годишниот Т.К. од Дебар.

„Во незгодата, возачите на возилото „голф“ и минибусот, како и сопатник од „голфот“ и осум патници од минибусот, на возраст од 20 до 76 години, се здобиле со повреди и биле пренесени во гостиварската општа болница „Ферид Мурад“. По укажаната лекарска помош, возачот на „голфот“ С. М. и патникот од минибусот М.З.(44) од Охрид, биле префрлени на скопските клиники, додека другите биле пуштени на домашно лекување. Увид на местото извршиле Јавен обвинител и екипа од Полициската станица Гостивар.“, известува МВР.

Сподели ја веста:

Поврзани теми:

Следнo

Над 45 единици на крв во првата крводарителна акција годинава во ПС Гостивар

Не пропуштај

Гостивар ланската година ја заврши со 5.382 невработени, бројката се намалила за околу 600