Форум на жени на ОО СДСМ Гостивар: „НЕ“ за насилство врз жените, поддршка за жртвите!

Во рамки на одбележувањето на ,,16 дена женски активизам“ за борба против насилство врз жените, Форумот на жени на СДСМ во Гостивар спроведе неколку активности, со цел подигнување на јавната свест за оваа проблематика.

Симболично, скулптурата со натписот на градот беше обоена во портокалова боја и од таму беа испратени пораки: Да кажеме НЕ на насилство врз жени и девојчиња, да дадеме поддршка на жртвите на насилство, да ја подигнеме свеста кај жените и девојчињата, да ставиме крај на родово-базираното насилство.

Освен тоа, членки на Форумот поделија летоци со содржина која цели кон подигнување на свеста за насилството,, препознавање на формите на насилство, заштитата и помошта на жртвите. Летоци беа поделени на минувачи и во повеќе институции.

„Како држава која што ја ратификуваше Истанбулската конвенција и посветено се залага за нејзина имплементација и обезбедување на заштита на жените и девојчињата од секаков вид насилство-ние како граѓани на ова општество сме должни не само овие 16 дена женски активизам, преку цела година да бидеме активни. Треба да сме одговорни, храбри и да превземаме акции. Треба гласно да зборуваме за еднакви права. Секој облик на насилство ја допира секоја од нас, но секоја од нас треба да ги охрабри жените да бидат гласни и храбри.“, изјави Ванеса Василеска, претседателка на Форумот на жени.

Од Форумот при тоа потсетија на броевите на кои жртвите на насилство може да побараат помош:

СОС броеви:

141 700

15-315

02/15-700

Полиција:

192

Или најблискиот Центар за социјални работи.