Гостивар: Жена подигнала брз кредит со туѓа лична карта

ОВР Гостивар поднесе кривична пријава против Ш.А.(36) од село Марена, кавадаречко, поради постоење основи на сомнение за сторено кривично дело „злоупотреба на лични податоци“ и против две лица (машко и женско) од Гостивар, поради постоење основи на сомнение за сторено кривично дело ,,несовесно работење во службата“.

„На 2.10.2021, првопријавената ја употребила личната карта на нејзината мајка во подружница на мобилен оператор во Гостивар и склучила договор за месечна претплата. Истиот ден, Ш.А. повторно ги злоупотребила личните податоци од нејзината мајка во продавница за брзи кредити во Гостивар и подигнала брз кредит. Второпријавениот, како агент за продажба во подружница на мобилниот оператор во Гостивар, и третопријавената, вработена како агент за склучување договори во продавница брзи кредити пропуштиле да извршат надзор при идентификување на клиентот и овозможиле на првопријавената да се стекне со противправна имотна корист.“, соопшти МВР.