Хроника Гостивар – Физички напад, каснување од куче, пронајден малолетник…

Полицискиот билтен за гостиварското подрачје изминатото деноноќие бележи пријави за физички напад и каснување од куче, како и пронајден малолетник кој претходно бил пријавен за исчезнат.

Вчера (24 февруари) во 18 часот и 10 минути, 31-годишна гостиварка во СВР Тетово пријавила дека околу 15 часот пред нејзината куќа во Гостивар таа и мајка и‘ физички биле нападнати од 29-годишниот И.Н. и од неговата мајка.

Полицијата соопшти дека се расчистува и документира случајот.

Вчера околу 17 часот и 50 минути во близина на Центарот за култура „АСНОМ“ во Гостивар, полициски службеници на Одделението за внатрешни работи Гостивар го пронашле 16-годишникот од гостиварско Калиште, кој на 22 овој месец беше пријавен дека се оддалечил од дома. Малолетникот предаден им е на родителите.

Вчера во 11 часот, 37-годишниот гостиварец Б.Д. во СВР Тетово пријавил дека во гостиварско Форино бил каснат од куче скитник.