Ќе се погоди ли времето на Први Мај за излет?

Оваа недела во гостиварскиот регион не очекува топло време проследено со облаци и грмотевици. Кон крајот на работната недела ќе биде сончево со умерена облачност.

Денес во утринските часови минималната температурата достигна до 11 степени, а максималната температура во текот на денот ќе достигне до 24 степени. Ќе биде облачно, но топло со слаб ветер од северо-западен правец.

Слично време не очекува во вторник на Први мај, кога температурите ќе се движат од 11 до 25 степени. Ќе има услови за слаби грмежи кои нема да бидат проследени со дожд. Во мавровскиот регион каде традиционално голем број граѓани утре ќе одат на првомајски излет, претпладне ќе владее пријатно време, сонце со облаци, додека по 16 часот се очекуваат грмотевици и минимални услови за врнежи.

Во среда и четврток ќе има благо покачување на температурите и ќе се движат од 12 до 26 степени. Ќе биде облачно, но без дожд.

Во петок не очекува покачување на утринските температури до 13 степани, додека максималната температура ќе достигне до 24 степени. Ќе биде сончево, проследено со облаци кои ќе се задржат подолг дел од денот.