Мнозинството во Советот ќе бара одговорност од вработените во општината што ја напуштија конститутивната седница

Новото мнозинство на Советот на Гостивар, најави дека ќе бара одговорност од вработените во општината кои вчера (петок) ја напуштија конститутивната седница, односно не се вратија на седницата по една од паузите.

„Неколку вработени не ја испочитуваа својата должност што ја имаат при одржување на седниците, затоа ќе биде поднесена пријава до соодветните органи и според законот ке се бара одговорност од нивна страна за непочитување на работната задача, и за обидот за попречување на работата на советот на Општина Гостивар, која работа е законска обврска и уставно право. Тие го напуштија своето работно под влијание на општинските челници, без никакво оправдување и со намера да го попречат изборот на нов претседател на советот“, сметаат советниците од мнозинството и потенцираат дека според член 23 од статутот на општина Гостивар за свикување на седниците на советот, утврдување на дневниот ред, одввањето на седницата, записниците, и други прашања што се поврзани со работата на советот, општинската администрација е ставена на служба на општинскиот совет.