Оброци за социјално загрозени граѓани обезбеди Хуманитарното здружение „Д-р Трајче Нешковски”

Во рамки на неделата за борба против гладот, Хуманитарното здружение на граѓани „Д-р. Трајче Нешковски” Гостивар, ќе  покрие трошоци за 50 дневни оброци на социјално загрозени граѓани во народната кујна „Вита Аби“.  Здружението ги мапираше социјално загрозените граѓани на кои ќе им овозможи бесплатен оброк во наредните 5 дена во соработка со Меѓуопштинскиот центар за социјални работи-Гостивар.

„Во оваа прилика сакаме да искажеме голема благодарност до ресторанот „Вита Аби“ за соработката и желбата да се помогне. Во неделата за борба против гладот да бидеме солидарни и да покажеме дека луѓето не се гладни само за храна, туку и за почит, љубов и внимание“ порачуваат од Хуманитарното здружение на граѓани „Д-р. Трајче Нешковски”

Трошокот за оброците, финансиски ќе биде покриен со дел од средствата кои беа собрани од тридневните хуманитарни активности организирани во Гостивар, во чест на д-р Трајче Нешковски.