Покачување за дежурства на лекарите и медицинските сестри со мартовската плата

Дежурствата и ноќниот труд на медицинските лица ќе се пресметуваат по нови покачени коефициенти, а исплатата ќе биде со мартовската плата, соопшти Министерството за здравство. Преговорите за исплата на дежурствата влегуваат во финална фаза, а министерот Венко Филипче вчера оствари средба со претседателите на синдикатите за здравство, фармација и социјална заштита и на Клинички Центар.

Министерството извести дека веќе е одвоена дополнителна сума од страна на буџетот на Фондот за здравство и исплатата ќе се изврши по потпишувањето на договорот. На оние кои веќе ја примиле мартовската плата, дополнително ќе им се исплати разликата.

Покачувањето на надоместокот за дежурства во 2018-та, беше најавено лани во декември. Здравствените власти тогаш објаснија дека дежурство кое што изнесува од 900 до 1.340 денари во обичен ден, ќе се покачи од 2.500 до 3.000 денари, додека викенд дежурството кое што е 2.800 или 2.980 ќе биде 4.000 денари.