Гостивар
Пораки од Гостивар: Љубовта не треба да боли, пудрата не ги прикрива лузните од насилство!
Симболично, со делење на летоци, пудра, чадори и беџови, активистите за родова еднаквост во Гостивар се приклучија во одбележувањето на кампањата „16 дена активизам против насилството врз жените и девојчињата“. Студеното време не ги спречи да го реализираат зацртаниот настан на градскиот плоштад, каде поставија штанд и го делеа симболичниот материјал на минувачите пренесувајќи силни пораки.
„Како и претходните години се приклучуваме на кампањата против родово базирано насилство и семејно насилство. За оваа цел во регионот на Гостивар, организиравме неколку активности, да се сензибилизира општеството за проблемот и за последиците од насилството. Годинава акцентот е ставен на тоа дека треба сите заедно да делуваме и на некој начин да ги браниме жртвите на насилство. Ние решивме низ симболичните подароци што ги делиме да пренесеме повеќе пораки како: Лузните од насилството не се прикриваат со пудра, Љубовта не треба да боли, и за тие што вршат насилство во смисла: Ако јас трпам болка, тоа е твој срам.“, изјави Себајете Зенку, претседателка на Центар за женски права „Етика“ , организатори на активноста, заедно со Здружението за обезбедување социјални услуги „Социо“ од Гостивар.
Како долгогодишен активист за женски права и борец против семејното насилство, Зенку изразува особено задоволство што за прв пат на подрачје во Полог се отвора засолниште за жртви на семејно насилство:
„Објектот ни е среден, подготвен, се чека само на процедурата за лиценца од надлежното Министерство, за да може да кажеме дека официјално функционираме.“, рече таа.
-
Гостиварпред 2 недели
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување
-
Гостиварпред 2 месеци
Физички напади и групна тепачка вчера во Гостивар
-
Регионпред 3 месеци
Во Хрватска повлечени наполитанки од познат бренд
-
Гостиварпред 2 месеци
Вечен помен и слава! Девет години од смртта на хероите Горан и Ненад
-
Гостиварпред 2 месеци
Гостиварец го загуби животот во сообраќaјна несреќа