Седница на Совет Гостивар: Некој од дома, некој од природа, друг од автомобил…

Дваесет и четвртата седница на Советот на Општина Гостивар ќе се памети како првата од формирањето на ова тело, која се одржала онлајн.

Наместо на вообичаените столчиња во општинската сала, советнциите овојпат на седница се појавија од своите домови, некои од природа, други од автомобил и од партиските канцеларии. Седницата се одржа преку апликацијата „зум“, а судејќи според расположението, новиот начин на работа им годеше на членовите на Советот.

На онлајн седницата беа донесени неколку одлуки, главно од областа на финасиите и урбанизмот. Советниците го усвоија кварталниот извештај за извршување на буџетот за првите три месеци од годината. Дадоа зелено светло и за користење на грант од Проектот за подобрување на општинските услуги. Грантот е наменет за купување на возило -трактор со додатни елементи кое ќе се користи за подобрување на јавната хигиена.

Советот усвои и одлуки кои се однесуваат на легализирање на бесправно изградени и вклопување во урбанистичко-планска документација.

Седницата на „зум“ се одржа по двомесечна пауза од заседавање, поради состојбите со коронавирусот.