Семејно насилство – гостиварец ги нападнал сопругата и нејзиниот татко

Регистриран е нов случај на семејно насилство во Гостивар. Како што информира СВР Тетово, триесетгодишната гостиварка И.М, вчера пријавила семејно насилство од нејзиниот сопруг Б.М.(32)  со кого веќе подолго време имале нарушени односи. Дента околу 14 часот и 30 минути, жената тргнала накај нејзините родители, по што сопругот телефонски и се јавил да се врати назад.

„По кусата меѓусебна вербална расправија, тој со тупаница ја удрил по лицето, по што физички го нападнал и татко и, кој во меѓувреме бил повикан да дојде, удирајќи го по главата, а потоа го турнал во изложното стакло од неговиот локал, при што таткото се здобил со расекотина на десната нога“, известија од полицијата.

Пријавениот бил лишен е од слобода и задржан во Полициската станица Гостивар за целосно расчистување на случајот.