Што да правите наутро за да имате позитивна енергија цел ден

Првите неколку минути од почетокот на вашиот ден, се многу важни и од нив зависи како ќе се одвива денот. Утрото е клучно за позитивна енергија која ќе ве понесе во нова авантура.

1. Првите 15 минути поминете ги во тишина
Откако ќе го исклучите алармот, оставете го телефонот. Не ги проверувајте вашите мејлови или пораки во првите 15 минути по будењето. Најдобро решение е телефонот да го ставите на нечујно.

2.Заменете го кафето со лимонада
Лимонадата е најдобра замена за кафето, таа ви дава енергија, ги согорува маснотиите, ве расонува, ја плакне устата и грлото. Може да ја пиете дури и пред да ги измиете забите, 30 минути пред оброкот.

3.Станете од кревет правилно
Можеби ви звучи чудно, но вистинито е. Постои само еден начин за станување правилно наутро од креветот. Свртете се на десна страна и седнете. Така притисокот врз срцето и врз грбот ќе бидат најмали и со леснотија ќе го „оставите“ вашиот топол кревет.

4.Поставете цели кои ќе ги исполните тој ден
Додека лежите во креветот, или пак додека ја правите лимонадата поставете си цел која ке ја исполните тој ден. Нека бидат најмногу три работи.

5.Истегнете се
Иако тоа многу луѓе го избегнуваат, најдобар начин за да се наполните со енергија е да се истегнете. Направете го тоа додека лежите или пак откако ќе станете со неколку вежби.

6.Медитирајте
Немојте да ја прескокнете оваа точка, колку и да ви звучи смешно. Медитацијата може да биде успешна и да трае неколку секунди. Тоа е најдобар начин да направите „чистење“ на вашиот ум. Ќе му помогне на вашето ментално здравје и ќе бидете задоволни од себе.