Скоро 4.000 казни за брзо возење во Гостивар годинава

Во изминатите 11 месеци од годинава полициските службеници на СВР Тетово вкупно изрекле 10.846 мерки за пречекорена брзина на возилата кои се движеле на тетовско-гостиварското подрачје (Тетово-6.891 и Гостивар-3955). Најголемиот број од пречекорувањата на максимално дозволената брзина биле регистрирани надвор од населено место, пред се на автопатот Гостивар-Тетово-Скопје, магистралата Гостивар-Кичево и околните регионални патишта, соопшти полицијата.

Меѓу годинешните пречекорувања се бележат и за повеќе од 50, односно од 70 километри на час над дозволеното.

На сите прекршители изготвени им се соодветни поднесоци со парични глоби кои, зависно од големината на пречекорувања. Се движат од 45 до 400 евра во денарска противвредност. На оние кои пречекориле за повеќе од 50 во населено и од 70 надвор од населено место  времено ќе им бидат одземени и нивните возачки дозволи.

Секторот за внатрешни работи Тетово континуирано спроведува контролни активности за брзина кои ќе продолжат и во наредниот период, посебно до крајот на овој и идниот месец, кога на подрачјето се очекува зголемен број возила и значително поголема сообраќајна фрекфенција.