Стојаноска од регионалниот штаб за ИЕ 6: Подготвени сме за најголема изборна победа на ВМРО ДПМНЕ и коалицијата

Вчеравечер во Гостивар, коалицијата „Обнова на Македонија“, предводена од ВМРО ДПМНЕ го отвори регионалниот изборен штаб за шестата изборна единица. На означувањето на стартот на предизборните активности пред присутните се обрати носителот на листата Дафина Стојаноска.

„Тимот за обнова и победа во изборната единица 6 е подготвен и стапуваме официјално на терен следните 19 дена, се до 15-ти јули односно се до предизборниот молк. На 15-ти јули токму од овој Регионален изборен штаб ќе се соопштат идните пратеници од ВМРО – ДПМНЕ и коалицијата за „Обнова на Македонија“ од Гостивар, Тетово, Брвеница и Теарце. Токму тие пратеници вечерва се обрзуваат на работа и посветеност исклучиво кон Македонија и нејзините граѓани. Ни претстојат изборна кампања и избори, многу поразлични од сите претходни, најмногу и пред се заради корона вирусот. Сепак, подготвени сме, почитувајќи ги сите протоколи и имајќи го како најголем императив здравјето на секој еден од нас, да се избориме и да стигнеме до најголемата изборна победа до сега заедно за ВМРО – ДПМНЕ и коалицијата за Обнова на Македонија. Различна е кампањата. Различни се изборите. Различни сме и ние. Нашата предност е што сме различни од СДСМ.“, истакна Стојаноска.

Носителот на листата задно со кандидатите за пратеници претходно оствариле работни состаноци со општинскиот комитет Гостивар, претседателите на месните комитети, како и претседателите на УЖ, УМС и ветерани, како и со претседателите на шесте општински комитети на ИЕ 6.

Регионалниот штаб на ВМРО-ДПМНЕ за ИЕ 6 се наоѓа на ул „Гоце Делчев“, во близина на објектот на трудова медицина.