Закон диета: Седум дена, седум бои, четири килограми помалку

Во морето брзи диети, оваа се издвојува по тоа што нема забрани, може да се јаде разновидна храна, секако треба да се внимава на количината, но најважно е да внимавате на комбинирање на храната според боите. Да, добро прочитавте, храната ја комбинирате според боите. За подобар ефект користете што помалку масло во подготвувањето и не го менувајте распоредот на деновите.

Ова е деталниот план на диетата 7 дена-7 бои:

Бел ден – Првиот ден е бел ден. Може да се јаде: ориз, варен компир, кокос, белка од јајца, млечни производи, карфиол, пилешко месо. Важно – ова е ден со најмногу јагленихидрати, па добро е да јадете повеќе оброци во помали количини.

Црвен ден – Може да се јаде: цвекло, вишни, рибизли, немасно црвено месо, брусници, малини, црвена пиперка, домат.

Зелен ден – Може да се јаде: спанаќ, блитва, марула, брокула, краставица, киви, прокељ, зелена пиперка, боранија, грашок. Сета оваа храна е нискокалорична, па може да се конзумираат поголеми количини.

Портокалов ден: морков, тиква, црвена риба, манго, праска, кајсија. Ова е храна богата со бетакаротен и добро ќе и дојде на вашата кожа и коса.

Виолетов ден: модар патлиџан, црвена зелка, сливи, капини, црно грозје. Производи кои помагаат да се исчисти организмот од токсини.

Жолт ден: ананас, тиквица, жолти јаболка, пченка, жолчка од јајце, мед, кашкавал, лимон. Претпоследниот ден ќе ве наполни со Ц витамин, моќен антиоксиданс.

Проѕирен ден: Мора да го издржите и последниот таканаречен проѕирен ден. Се пие многу вода, дозволено е да се пие немасен јогурт, свежо цедени сокови од овошје и зеленчук.

Резултатите после една недела треба да бидат задоволувачки, три до четири килограми помалку.