Просечната плата не стасува за јадење, пиење и други основни потреби

На едно четиричлено семејство во Македонија во јануари му биле потребни 32.354 денари за задоволување на основните месечни потреби, пресмета Сојузот на синдикатите.

Најмногу пари или 13.354 денари му биле потребни за храна и пијалоци, а 10.487 денари за комунални трошоци и одржување на домот. За лична хигиена и за хигиената во домот во јануари биле потребни 2.289 денари, а за превоз 2.349 денари. Останатите пари се за обувки и облека, за здравствени услуги и за културни дејности.

Вредноста на синдикалната минимална кошница е поголема од просечната исплатена нето плата во јануари која според Државниот завод за статистика изнесувала 23.196 денари.