200 илјади денари од буџетот на Гостивар за стипендии на млади таленти

Програмата за стипендирање на млади таленти за 2019-та година, која беше изгласана на последната седница на Советот на општината, предвидува вкупно 200 илјади денари од буџетот за поддршка на успешни ученици, како и за помош на деца од ранливи категории семејства.

Износот кој поединецот може да го добие се движи од 3.000 до максимални 30.000 денари, во зависност од постигнатите резултати и материјалната положба. Највисоката сума се однесува на ученици за меѓународни натпревари.

Во склоп на овие износи, дефинирани се категории и тоа:

3.000 – 6.000 – парична финансиска помош на млади таленти со успех на општинско ниво, семејства со самохрани родители, за непречен тек на образованието на децата, помош на семејства кои се социјални случаи

6.001 – 12.000 -парична помош на млади таленти наградени на регионално ниво, повеќечлени семејства со самохрани родители и семејства без родители

12.001 – 20.000 -млади таленти наградени на национално ниво

20.001 – 30.000 -млади таленти на меѓународно ниво

Општината има можност да помогне и во набавка на книги од одредени области каде се истакнуваат учениците.

За спроведување на програмата се формира посебна Комисијата за стипендирање на млади таленти која покренува иницијативи, дава мислења и поднесува предлози.