Гостивар
Прослава на патронатот во ОУ „Гоце Делчев“ во Гостивар
![](https://gostivarpress.mk/wp-content/uploads/2024/02/proslava-na-patronatot-vo-ou-„gocze-delchev.jpg)
Со културно-уметничка манифестација и положување на цвеќе, гостиварското основно училиште „Гоце Делчев“ денес го одбележа патрониот празник.
Годинава за прв пат, патронатот се слави по повод 4 февруари, датумот на раѓањето на македонскиот револуционер и визионер, наместо како до сега на 4 мај, денот на неговата смрт.
„Одбележувањето го поместуваме, поради пролетниот распуст што е воведен од оваа година, па на 4 мај нема да бидеме на настава.“, појасни директорката на училиштето, Гордана Мојсоска додавајќи: „Големо е името на Гоце Делчев, неговото дело обврзува и дава една тежина на самиот ден како патронат на нашето училиште, кое гордо го носи неговото име.“
Пред манифестацијата беа положени буќети цвеќе на бистата на Делчев во училиштето, а свеченоста беше отворена со интонирање на македонската химна. Традиционално програмата на манифестацијата беше исполнета со реферати и рецитации за ликот и делото на Гоце Делчев, како и со музички точки.
На прославата годинава посебен впечаток и‘ даде 14 и полгодишната Андреа Данаилоска од гостиварско Здуње, која се појави во автентична комитска облека, јавајќи коњ. Инаку, за Андреа јавањето коњ е главна преокупација и хоби, и таа повеќепати учествува и во Илинденската коњаница.
Во основното училиште „Гоце Делчев“ во Гостивар настава следат над 1.145 ученици во паралелки на македонски и на албански наставен јазик.
-
Македонијапред 3 месеци
Денеска е Летник
-
Македонијапред 3 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 4 дена
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Вестипред 3 месеци
Историјат на Осми март – Празник посветен на правата на жените
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Со љубов и почит кон корените – „Танец“ одржа концерт во Гостивар
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Амбасадорите на македонскиот фолклор „Танец“ со концерт во Гостивар