Велигденското празнување продолжува, денес е неработен ден за сите граѓани

Православните христијани го продолжуваат велигденското празнување. Денес е втор ден од празникот Велигден. Во храмовите утрово се служи воскресенска литургија, а верниците според обичаите и традицијата оставаат црвени јајца.
Црковната традиција налага тридневно одбележување на Велигден. Така во храмовите утре, на трет ден Велигден ќе се одржува утрена литругија.
Верниците сè до Спасовден се поздравуваат со зборовите: Христос Воскресе! Вистина Воскресе! Така со соопштување и потврдување на веста ја исповедуваат својата вера во победата на животот над смртта.
Според Законот за празници во Македонија, денес е државен празник и е неработен ден за сите граѓани.
Во петок не очекува уште еден празник, Источен Петок, Балаклија кој се слави на првиот петок по Велигден и е посветен на Пресвета Богородица.