Вести
МВР: Носете кацига и почитувајте правила – Продолжуваат контролите на мотоциклистите
Продолжуваат интензивните контроли врз мотоциклистите во Гостивар. На гостиварското подрачје деновиве се случија неколку сообраќајни несреќи, во кои учествуваа мотоциклисти, претежно без возачки дозволи и кои завршија со неколку повредени лица. Со оглед дека во полн ек е сезоната на користењето мотоцикли, најмногу од младите, а често и малолетници, Секторот за внатрешни работи Тетово уште еднаш потсетува дека за да се управува ваков вид моторно возило потребна е соодветна дозвола.
Во спротивно следува поднесок и парична глоба која за овој вид прекршок изнесува 300 евра во денарска противвредност и уште толку за лицето кое на прекршителот му го дало на користење мотоциклот.
Оние кои ќе бидат откриени дека управуваат нерегистрирани мотоцикли, исто така, ќе се соочат со поднесоци и глоба која се движи од 100 до 500 евра. Оние кои непоседуваат и неупотребуваат заштитни кациги се соочуваат со глоба од 50 евра во денарска противвредност.
Секторот за внатрешни работи Тетово изминатите два месеци реализираше повеќе контролни активности, во чие средиште беше оваа категорија учесници во сообраќајот, кои со зголемен интензитет ќе продолжат до крајот на овој и идниот месец.
СВР Тетово потсетува за севкупна внимателност во сообраќајот со оглед дека претстои доаѓање на поголем број времено вработени во странство, со што значително ќе се зголеми вкупната динамика, односно сообраќајна фрекфренција на улиците во Гостивар и околните регионални и локални патишта.
-
Македонијапред 3 месеци
Денеска е Летник
-
Македонијапред 3 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 дена
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Вестипред 3 месеци
Историјат на Осми март – Празник посветен на правата на жените
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Со љубов и почит кон корените – „Танец“ одржа концерт во Гостивар
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Амбасадорите на македонскиот фолклор „Танец“ со концерт во Гостивар