Сочно летно овошје со многу придобивки за вашето здравје

Ова сочно и ароматично летно овошје ќе го сакате уште повеќе кога ќе ги откриете неговите бројни здравствени придобивки. Праските се здрави и многу вкусни.

Беспрекорен чувар на нашето здравје

Праските се полни со протеини, витамин Ц, витамини А, Е и К, манган, влакна, железо и калиум, и содржат помалку од грам маснотии! Покрај тоа, праските имаат феноли, кои спречуваат навлегување на молекули на маснотии во крвотокот и формирање на ЛДЛ холестерол, фактор на ризик за кардиоваскуларни и срцеви заболувања. Витаминот Ц исто така ги штити клетките на кожата од слободните радикали, може да ги намали брчките, додека витаминот Е ја хидрира кожата и придонесува за нејзино закрепнување во случај на оштетување. Во текот на летните месеци, секогаш носете барем една праска со вас, невиденото богатство на антиоксиданси во вашето тело ќе почне да делува во рок од 30 минути по консумирањето.

Ги чисти сите токсини

Сурови зрели праски се најздрави и најхранливи. Сите сорти, а ги има над 2.000, се одлично средство за чистење на телото и добар диуретик. Благодарение на оптималното ниво на сите хранливи материи неопходни за одржување или подобрување на здравјето, но и изобилството на влакна, праските се без конкуренција за процесот на отстранување на токсините од телото. Стомакот, црниот дроб, бубрезите и дебелото црево обожаваат праски, бидејќи спречуваат разни болести на гастроинтестиналниот и уринарниот тракт, пред се појавата на чирови и бубрежни заболувања.

Овошје за “смирување”

Многумина го нарекуваат така бидејќи забележале дека успешно го ублажува стресот. Исто така чајот, којшто е направен од лисјата и кората на ова извонредно овошје, одличен е ако сакате да ја смирите кашлицата, хроничниот бронхитис или гастритис. Праската всушност ги смирува сите органи, спречува оштетување на клетките, ги штити нашите очи, одличен е борец против кардиоваскуларни заболувања и дијабетес. Одамна праските се ценети како афродизијак.

Погодни за диета

Свежите праски се одличен избор за секој што сака да ослабе или да ја одржува телесната тежина, како и за оние кои се грижат да го снабдуваат телото со корисни хранливи материи. Една праска со просечна големина (150 g) содржи само 59 калории. Има исто толку компот од праска. Сувото овошје е малку „потешко“, има 77 калории во 100 гр, но затоа природниот сок од праска е вистински шампион – 1 дл има само 48 калории. Фактите се малку поинакви кога станува збор за џем или пита. Џемот од праска во износ од 100 гр содржи најмногу калории – 260, проследено со пита, чии 100 гр можат да ве „збогатат“ со 223 калории.