Д-Дент Гостивар знае како! Предновогодишно дружење со корисни совети и подароци за најмалите

Стоматолошката ординација на Д-р Дарко и Д-р Даниела Антески, ПЗУ Д-ДЕНТ во Гостивар со несекојдневна предновогодишна забава и дружење, ги потсети најмалите на важноста од одржување на орална хигиена, редовни прегледи и превентивни посети кај стоматолог.

„Вакво предновогодишно дружење со нашите најмали пациенти организираме по втор пат. Дечињата дојдоа во голем број и заедно ја постигнавме целта, да покажеме дека оралната хигиена е примарна, како за забите така и за целокупното здравје. Во текот на дружбата децата имаа можност да се едуцираат за начинот на правилно четкање на забите со помош на модели, се запознаа поблиску со работата на стоматологот, ги разгледаа стоматолошките инструменти и се дружеа со д-р. Дарко, кој одговараше на нивните прашања. Нашата цел беше да се ослободат од стравот од стоматолошкото столче, да се зближат со докторот и да научат за здравјето на забите.“, велат од ПЗУ Д-ДЕНТ.

На крајот на настанот децата и стоматолозите се забавуваа во диско атмосфера, а малите гости добија и подароци – стоматолошки новогодишни пакетчиња.

„Дечињата ни дадоа мотив догодина да придонесеме за уште поблескави и поздрави насмевки. Нека ни е среќна и весела новата година.“, нагласуваат д-р Дарко и д-р Даниела.

Д-ДЕНТ Ви ги честита новогодишните празници!

(комерцијална објава)