fbpx
Поврзи се со нас

Гостивар

Една година од прв случај на корона во Гостивар, над 4.100 потврдени позитивни до сега

Објавено

на

На 19-ти март минатата година беше дијагностициран првиот пациент позитивен на коронавирус во Гостивар. Точно една година Гостивар ја живее ковид пандемијата, со сите свои предизвици, стресни промени во секојдневието, удари врз економијата, карантини…

Регионот исто како и целата земја, како и целиот свет, не беше поштеден од коронавирусот. Ланската пролет беше тешка за граѓаните со оглед на бројните ограничувања на движењето, целосно затворање за викенди и слично. Беше особено тешка за медицинските работиници, кои се соочија со нешто ново, до сега непознато, а беа и остануваат во првата борбена линија против ковид.

Ако погледнеме наназад, Гостивар доживеа два посилни корона бранови, првиот во кон крајот на јули и август и вториот во ноември и декември. Особено сериозен  беше зимскиот бран, со по 50, 60 па и до 90 новозаразени дневно, преполни болнички капацитети, преморени здравствени работници. Заради голема потреба од хоспитализација во функција за ковид пациенти се ставија и дел од интерното и нервното одделение во болницата. Бранот спласна во новата година, состојбата се смири, интензитетот на ширење на заразата значително се намали.   Таквата состојба се задржа околу два месеци, кога вирусот повторно завладеа на подрачјето. Во меѓувреме беше изградена модуларна болница, во која веќе се лекуваат пациенти.

Според последните податоци од Институтот за јавно здравје, регионот на Гостивар (општини Гостивар, Врапчиште и М.Ростуше) моментално е со 347 активно заразени со коронавирус. Од почетокот на пандемијата дијагностицирани се вкупно 4.151 позитивно лице, регистрирани се 176 починати, 3.628 се оздравени.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!