На тренинг со КК Гостивар: На секој натпревар ќе го даваме својот максимум

Gostivarpress.mk попладнево ги посети кошаркарите од гостиварскиот прволигаш КК Гостивар во спортската сала „Младост“, кадешто ги одржуваат своите тренинзи. Момците напорно и посветено работат за што подобри резултати и повисоко место на табелата.

 „Излагањето на играчите на тренинзите е задоволувачко, секако постојано има простор за подобрување и напредок. Но, полека, полека тие се навикнуваат на мене, јас на нив, се создава хемија и одиме кон успеси. Јавноста може да очекува дека на секој натпревар ќе го даваме максимумот, а што ќе направиме ќе се види на крајот од првенството“, рече тренерот Марјан Србиновски.

Сезонава КК Гостивар одигра пет натпревари од кои четири ги заврши со победа. Моментално се наоѓа на четвртата позиција во најсилното македонско кошаркарско првенство. Следните натпревари се голем предизвик, со оглед на тоа што за противници ги имаат МЗТ Скопје и КК Работнички.