Откриена марихуана во чајџилница во Гостивар

Полициски службеници на Секторот за внатрешни работи Тетово-Полициска станица Гостивар, вчера од 12 часот и 45 минути до 13 часот и 30 минути извршиле претрес во угостителски објект-чајџилница на улица „Гоце Делчев“ во Гостивар, која под закуп ја користел  55-годишен гостиварец.

При претресот, реализиран со судска наредба, во помошна просторија веднаш до чајџилницата, пронајдени се 3 поголеми, пресувани пакувања марихуана, завиткани со најлонска лента. Пронајдената марихуана е фотодокументирана и одземената за вештачење, информираат од полицијата.

Педесет и петгодишниот гостиварец, како уште и 23-годишник Гостивар и педесет и девет годишник од Врапчиште, кои при претресот биле затекнати во чајџилницата, лишени се од слобода и задржани во Полициската станица Гостивар за натамошна постапка.

Се превземаат мерки и активности за целосно расчистување на случајот.