Гостивар
Планот за вработување во општина Гостивар за 2019 падна на Совет
Гостиварскиот Совет не го усвои Планот за вработување за 2019-та година на општина Гостивар. На денешната седница на советот, овој документ беше прв на дневен ред, но не доби зелено светло од советниците. На гласањето му претходеше пауза за координација, откако претходно советникот од Демократски сили на Ромите, Кашмир Салиу побара целата 11 седница да биде одложена, па потоа го повлече својот предлог.
„Сметам дека седницата треба да се одложи, со оглед на тоа што до сега траеше продолжението на 10-тата седница, сме немале пракса да држиме две седници во еден ден и мене лично ми треба време за разгледување и консултации со одредени колеги советници. Сепак, треба да одлучуваме за важни предлози како што е Планот за вработување“, рече од говорницата Салиу.
По паузата советникот, од истата говорница изјави дека го повлекува својот предлог за одложување на 11 седница. „Затоа што очигледно не може да се има координација со никого во овој Совет, го повлекувам предлогот да се одложи седницата, нека си продолжи седницата“, рече Салиу и по обраќањето ја напушти седницата. Инаку, Салиу беше клучен во обезбедување на мнозинството во Советот, што го предводи ДУИ.
За дискусија околу Планот за вработување не се јави никој, а од присутните 27 членови на Советот, ЗА гласаа 13 од партиите кои ја поддржуваат локалната власт, што не беше доволно документот да биде усвоен.
Останатите точки на дневен ред од седницата беа донесени со поддршка на сите советници: Финансиски извештај на ЈП „Градски паркинг и зеленило“ Гостивар за периодот јули, август, септември 2018 година, Одлука на управниот одбор на претпријатието за измена и дополнување на ценовникот за зонско паркириање, годишна Програма за јавна чистота на јавни површини и отворени простори на јавни објекти, Програма за работа на „Комуналец“ за 2019 година, Програма за уредување на градежно земјиште, изградба, реконструкција и одржување на локални патишта на подрачјето на Општина Гостивар, Листата на приоритетни проекти за уредување и изградби на локални улици и патишта за 2019 година и други.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 3 месеци
Историјат на Осми март – Празник посветен на правата на жените
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница
-
Парламентарни избори 2024пред 2 месеци
Потврдени листите на СДСМ, гостиварката Ема Нешковска трета во ИЕ 6