Гостивар
Скоро 400 лица во Гостивар фатени зад волан без возачка дозвола, најчесто тинејџери
Секторот за внатрешни работи Тетово информира дека покрај другите, презема континуирани активности за откривање и санкционирање на лицата кои управуваат моторни возила без положен возачки испит и валидна дозвола. Во текот на оваа година, на поширокото полошко подрачје санкционирани се вкупно 1435 лица, од кои 1048 на тетовското подрачје и 387 на подрачјето на Гостивар.
„Најголемиот број од санкционираните лица веднаш биле исклучени од сообраќај и изготвени им се законски предвидените поднесоци. Паричната глоба за овој вид сообраќаен прекршок изнесува 250 евра во денарска противвредност, а толку ќе треба да платат и сопствениците на возилата кои им ги дале на управување, иако знаеле дека немаат положено возачки испит.“, извести портпаролот на СВР Тетово, Марјан Јосифоски.
Полицијата повторно со апел, посебно до младите, прво да го положат возачкиот испит и потоа да ги управуваат возилата. Зашто, во спротивно ја доведуваат во ризик сопствената и безбедноста на другите учесници во сообраќајот, без разлика дали станува збор за автомобил или мотоцикл.
Секторот за внатрешни работи Тетово укажува дека деновиве е зголемена вкупната сообраќајна динамика на подрачјето, посебно во периодот од 12 до 20 часот и поради тоа секој учесник во сообраќајот треба максимално да се придржува кон правилата и прописите кои се однесуваат на дозволената брзина на движење, паркирањето и техничката исправност на возилата.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 3 месеци
Историјат на Осми март – Празник посветен на правата на жените
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница
-
Парламентарни избори 2024пред 2 месеци
Потврдени листите на СДСМ, гостиварката Ема Нешковска трета во ИЕ 6