Ве болат очите од компјутерот? Неколку начини како да си помогнете

Оние чија работа ги „врзува“ пред компјутер поголемиот дел од денот, многу често се соочуваат со  болка во очите, која знае да биде проследена и со главоболка. Ви звучи познато? Вие сте само еден од многуте кои ги мачи овој проблем.

Еве што може да направите за да си олесните, да ја намалите болката и непријатноста во очите.

Очила за заштита од зрачење
Освен очила само за сонце и диоптерски за оние со намален вид, постојат и очила за заштита од зрачење на екраните. Нивната структура е пластична (органска) на која се нанесува заштитен слој Electromagnetic Interference (EMI). Негативно дејство немаат, само ги одбивааат штетните електромагнетни зраци и ја одбиваат рефлексијата со што поголемо количество на светлина влагува во самото око и со тоа ја прави сликата побистра.

Трепкајте почесто
Кога гледате во една работа тогаш таа ви го одзема вниманието и поретко трепкате. Но, доколку трепкате почесто, тоа ќе спречи сушење на вашите очи.

Потрудете се вашите очи секогаш да бидат влажни
Доколку почувствувате печење на вашите очи, тоа значи дека немаат влажност. Влажноста може да ја надополните со користење на капки за очи. Ако седите во сува просторија, користите навлажнувач на воздухот.

Правете почесто пауза – погледнувајте настрана од екранот или замижувајте
Доколку поминувате подолго време на компјутер, на 20 минути правете пауза од 20 секунди, така што може да гледате на страна или пак да седите со затворени очи. Исто така, внимавајте на светлината на екранот која не треба да биде појака од светлината во просторијата.

Треба да внимавате и да бидете оддалечени од мониторот 50 до 70 сантиметри и доколку пишувате, фонтот на букви да биде соодветна големина, за да не давате дополнителен напор.