Во Гостивар уапсени полицаец и тричлена група заради оружје и дрога

Вчера (24 јуни) во 21 часот и 40 минути, на улица „Илинденска“ во Гостивар, поради постоење основи на сомнение за сторено кривично дело “недозволено изработување, држење и тргување со оружје или распрскувачки материи“ и “неовластено производство и пуштање во промет на наркотични дроги, психотропни супстанци и прекурсори“, полициски службеници од Одделението за внатрешни работи Гостивар-Полициската станица Гостивар, ги лишиле од слобода: Е.В.(29), М.К.(20), Л.Б.(24) сите од Скопје и М.К.(25), полициски службеник од Скопје, соопштува полицијата.

Имено, при извршениот преглед врз патничко моторно возило „бмв“ со скопски регистарски ознаки, управувано од М.К.(25) било пронајдено огнено оружје–непозната марка, со рамка и осум куршуми како и ќеса со остатоци од прашкаста материја. Известен бил Одделот за внатрешна контрола, криминалистички истраги и професионални стандарди.

Се преземаат мерки за целосно расчистување на случајот.