ВМРО-ДПМНЕ Гостивар ги обвинува СДСМ и ДУИ за грубо кршење на принципите за правично вработување во ЈЗУ Општа болница “Др. Ферид Мурад”

Општинскиот комитет на ВМРО-ДПМНЕ Гостивар, преку соопштение реагира на одлуката за вработувања на медицински персонал во општата болница во Гостивар, каде ги обвинува СДСМ и ДУИ за грубо кршење на начелото за соодветна и правична застапеност на граѓаните кои припаѓаат на сите заедници при вработување во ЈЗУ Општа болница “Др. Ферид Мурад” – Гостивар.

Соопштението на ОК ВМРО-ДПМНЕ Гостивар го пренесуваме во целост:

„Во текот на вчерашниот ден бевме сведоци на уште една сцена од серијалот “Едно општество за сите – концепт со кој СДС требаше да обезбеди демократски вредности и еднакви можности за сите” но СДС во улога на потчинет чирак на ДУИ по којзнае кој пат дозволи да се случи грубо кршење на начелото за соодветна и правична застапеност на граѓаните кои припаѓаат на сите заедници при вработувањето во ЈЗУ Општа болница “Др. Ферид Мурад” – Гостивар.

СДС како дел од владиното мнозинсто со најголем број на пратеници во истото, наместо да ја спречи оваа дискриминаторска одлука за избор на кандидати, продолжи да биде потчинет чирак на ДУИ и соучесник во истото.

Очајни и смешни се обидите на СДС преку паушални соопштенија до јавноста да бараат преиспитување на одлуката за избор на кандидати во државни институции каде што тие имаат свои претставници со право на одлучување.

СДС се со цел да го прикрие нискиот рејтинг во Гостивар и ИЕ6 на секој начин пробува да му удоволи на ДУИ за да ги земе на заедничка листа за пратеници во ИЕ 6, бидејќи СДС се свесни за поразот што ги очекува на 8-ми Мај.

Во Македонија никогаш не било полошо. Затоа е важно е да ги поразиме!

ОК ВМРО-ДПМНЕ Гостивар.“