Кевин Пантер за 6 милиони евра од Партизан во Барселона

Еден од најдобрите кошаркари во Европа капитенот на српскиот кошаркарски тим Партизан, Кевин Пантер, ќе потпише двегодишен договор со Барселона, пренесуваат денеска белградските медиуми.

Според истите извори, американскиот кошаркар за двегодишниот договор ќе инкасира шест милиони евра.

Пантер сезонава го предводеше белградски партизан до седмата титула во регионалната АБА лига, прва по една деценија, и беше прогласен за најкорисен играч (МВП) во финалната серија против градскиот ривал Црвена ѕвезда.

Американецот, исто така, беше еден од клучните кошаркари за пласманот на Партизан во четвртфиналето во Евролигата, во кое белградскиот клуб испушти водство од 2-0 во серијата до три победи против Реал Мадрид.

Пред да стане еден од најбараните играчи летово, Пантер седум години играше во Европа за Лаврио, Антверпен, Роса Радом, АЕК, Виртус, Олимпијакос, Црвена звезда и Милано.