Контрола на пешаци, во Гостивар казнети 17

Полициски службеници на СВР Тетово вчера (12 септември) од 9 до 14 часот спровеле акциска контрола на пешаци, во која биле откриени и санкционирани вкупно 43 прекршоци (Тетово-26 и Гостивар-17). Најголемиот број од прекршоци се однесувале на непрописно преминување на улици, односно на преминување надвор од обележани пешачки премини, а неколку на непочитување на светлосна сообраќајна сигнализација на крстосници.

„На сите пешаци-прекршители изготвени им се адекватни поднесоци, со напомена дека паричните глоби за ваквиот вид прекршоци се движат од 30 до 50 евра во денарска противвредност. При контролата, санкционирани се и 11 други видови сообраќајни прекршоци.“, извести полицијата,

Секторот за внатрешни работи Тетово со апел до пешаците да не ги преминуваат улиците каде ќе стигнат туку само на обележани премини и да ја почитуваат светлосната и друга сигнализација. Им се советува, исто така, да внимаваат како и каде се движат на патишта и улици на кои нема обликувани тротоари, а возачите задолжително да им даваат предност на пешаците и да ги пропуштаат, пред се во близина на училишта, детски градинки, но и воопшто.