Возел 300 на час на патот Гостивар-Тетово, објавил видео на „Тик-ток“ и заработил казна од 400 евра

Вчера (18 февруари) полициски службеници на тетовската Полициска станица за безбедност на патниот сообраќај го откриле и санкционирале 24-годишниот тетовец Б.Ј. – возач на патничко моторно возило „бмв“ со тетовски регистарски ознаки, кој околу 12 часот и 30 минути на автопатот Гостивар-Тетово се движел со брзина од 300 километри на час, а потоа  видеото го поставил на социјалната мрежа „тик-ток“, извести СВР Тетово. Од таму нагласуваат дека согласно Законот за безбедност на сообраќајот на патиштата изготвен му е поднесок и тој ќе се соочи со парична глоба од 400 евра во денарска противвредност, а ќе му биде изречена и заштитна мерка – времено одземање на возачката дозвола до една година.