„Лотус“ нов шеф на платеничката група ЧВК Вагнер

Командантот Антон Олегович Јелизаров, со кодно име Лотус, е избран за нов водач на руската паравоена формација Вагнер, по смртта на претходниот и основач на таа група, Евгениј Пригожин.

Како што пренесува британски Експрес, новиот командант на Вагнер учествувал во некои од најжестоките битки во војната во Украина и одиграл водечка улога во освојувањето на градот Соледар во источна Украина и врз целата операција за земање на територијата на Бахмут.

Лотус е мистериозен резервен офицер роден во Ростов, кој дипломирал на неколку престижни руски воени академии, вклучувајќи го и елитното падобранско училиште на Воената гарда „Суворов“ во Улјановск и Рјазанск. Тој бил член на 10-та бригада на специјалните сили на ГРУ. Потоа се префрлил во „Вагнер“ и служел во Сирија, Централно Африканската Република, Либија.

Експрес наведува дека во рамките на групата Вагнер, Јелизаров е познат како „освојувачот на Соледар“, прекар што наводно му го дал Пригожин.

Британскиот весник наведува и дека бил близок со Пригожин, кој неодамна загина во авионска несреќа во близина на Москва.