Вести
Какви одлуки донесе гостиварскиот Совет на денешната седница?
Советот на општина Гостивар денес ја продолжи 5-тата седница, која пред неколку недели беше прекината по усвојување на Дневниот ред, откако советниците од мнозинството ја напуштија салата со образложение дека се револтирани поради вербален напад врз советникот Адис Исмаили од ДУИ.
Советот денес едногласно го усвои првиот квартален извештај за извршување на буџетот на Општина Гостивар за 2018 година. Беа изгласани и извештаите и Програмите за работа на гостиварските јавни претпријатија „Комуналец“ и „Градски паркинг и зеленило“. Годишниот план за вработување во ЈП Комуналец за 2018-та не помина, а советниците не се сложија ниту околу доделувањето на субвенции за ЈП Ринија кое стопанисува со Спорската сала. Предлогот беше на претпријатието да му се доделат 500 илјади денари, но советниците од мнозинството не го прифатија со образложение дека претходно претпријатието веќе добило субвенции и бараа раководството да даде објаснување на трошоците и потребите.
На барање на советникот Кашмир Салиу од Демократски сили на Ромите, од дневен ред беше повлечен Акцискиот план на општина Гостивар во областа Вработување, Домување, Образование, Здравство и Жената Ромка. Салиу образложи дека група составена од жители на сите делови од Гостивар кадешто живеат Роми, десет години работела на креирање на акциски планови и побара општината да направи консултации за да се вметнат предлозите и стратегиите од групата.
На денешната седница беа донесени повеќе одлуки од областа на урбанизмот. Како што претходно пишувавме се изгласа и одлука за покренување иницијатива за враќање на ФК Гостивар во сопственост на општината.
-
Македонијапред 3 месеци
Денеска е Летник
-
Македонијапред 3 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 дена
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Вестипред 3 месеци
Историјат на Осми март – Празник посветен на правата на жените
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Со љубов и почит кон корените – „Танец“ одржа концерт во Гостивар
-
Животпред 3 месеци
Како да се справите со анксиозните и паничните напади?
-
Гостиварпред 3 месеци
Амбасадорите на македонскиот фолклор „Танец“ со концерт во Гостивар